Кыргыз Республикасынын Президенти Алмазбек Атамбаев бүгүн, 15-апрелде манасчы Жусуп Мамайга берилген жогорку даражадагы “Кыргыз Республикасынын Баатыры” наамын "Ак шумкар" өзгөчө белгиси менен анын балдары – Абдыгазы Мамайга жана Мукаш Мамайга тапшырды.

Мамлекет башчысынын Жарлыгы менен өзгөчөлөнгөн жогорку наам улуу "Манас" эпосун жана башка эпикалык чыгармаларды сактоо ишиндеги жеке эмгектери, ошондой эле  Кыргызстан  элинин тарыхый жана маданий мурасынын байытууга кошкон көрүнүктүү салымы үчүн берилди.

Өз сөзүндө Мамлекет башчысы манасчы Жусуп Мамайдын ысмы “кыргыз элинин тарыхына алтын тамгалар менен жазылып калганын” жана анын эстелигине Кыргызстанда өзгөчө көңүл буруларын белгиледи.